Շիրակի մարզպետարանում իշխանական պատգամավորները կազմակերպում են ուսուցիչներին Երևան բերելու հարցը
168.am-ի տեղեկություններով՝ այս պահին Գյումրիում՝ Շիրակի մարզպետարանի շենքում՝ մարզպետի կաբինետում են Ազգային ժողովի «Իմ քայլը» խմբակցության՝ Շիրակի մարզի պատգամավորներ Նազելի Բաղդասարյանն ու Կարեն Սարուխանյանը:
Վերջիններս լուծում են Շիրակի մարզի դպրոցներում դասապրոցեսը կանգնեցնելու, ուսուցիչներին մարզպետարանի մուտքի մոտ բերելու հարցը, որ նրանց այդտեղից ավտոբուսներով տեղափոխեն Երևան՝ ի աջակցություն Նիկոլ Փաշինյանի հավաքին մասնակցելու:
