«Կանեմ ամեն ինչ, որ Մեսսին մնա»․ Լապորտա
«Բարսելոնայի» նախագահի թեկնածու Ժոան Լապորտան խոսել է ակումբի համար հարձակվող Լիոնել Մեսսիի կարևորության մասին:
«Ես ամեն ինչ կանեմ, որ Մեսսին մնա «Բարսելոնայում»: Դա երաշխավորելու համար հարկավոր է լուրջ առաջարկ անել:
Մեսսիի հետ պետք է վերաբերվել իրեն արժանի սիրով: Առաջարկը պետք է ֆինանսապես արժանի լինի, բայց նա դա չի անում գումարի դիմաց:
Ես նրան լավ եմ ճանաչում, նրա հետ լավ հարաբերություններ ունեմ: Նա այն տեսակը չէ, որ այստեղ լինի փողի համար: Իհարկե, սպորտային տեսանկյունից մրցակցային առաջարկ կպահանջվի, քանի որ նա հաղթող է, ցանկանում է կրկին հաղթել «Բարսելոնայի» հետ:
Մեսսին արժե ընդհանուր ծախսերի շուրջ 8%-ը, բայց նա ստեղծում է ակումբի եկամտի 30%-ը: Լեոն մեծ շահույթ է «Բարսելոնայի» համար, և նրա բերած եկամուտը շատ կարևոր է ակումբի համար: Դա բերում է ավելին, քան ծախսն է»,- ասել է Լապորտան:
Սիրարփի Աղաբաբյան
