Նեյմարը զանգահարել է Մեսսիին և նկարագրել նրան ՊՍԺ-ի արժանիքները

ՊՍԺ-ի հարձակվող Նեյմարը դեռ հույս ունի համոզել «Բարսելոնայի» իր նախկին գործընկեր Լիոնել Մեսսիին միանալ փարիզյան ակումբին:

Ինչպես հաղորդում է Mundo Deportivo-ն` L’Equipe-ին հղում անելով, բրազիլացին մի քանի օր առաջ զանգահարել է «Բարսայի» ավագին և նկարագրել նրան Ֆրանսիայի մայրաքաղաքի, ինչպես նաև ակումբի և թիմի դրական կողմերը:

Թե ինչպես է արձագանքել Մեսսին, չի նշվում: Հիշեցնենք, որ արգենտինացու՝ «Բարսելոնայի» հետ պայմանագրի ժամկետը լրանում է այս ամառ:

Սիրարփի Աղաբաբյան