Արցախի Մարտունու մոտակայքում և Ասկերանի բնակավայրերի տարածքներում կվնասազերծվի չպայթած զինամթերք

Արցախի Ասկերանի շրջանի Բերքաձոր գյուղում, Խնածախ և Այգեստան համայնքների տարածքներում, ինչպես նաև Մարտունի քաղաքի մոտակայքում, փետրվարի 12-ին նախատեսվում են զենք-զինամթերքի վնասազերծման աշխատանքներ: Այս մասին տեղեկացնում են Արցախի Ներքին գործերի նախարարության արտակարգ իրավիճակների պետական ծառայությունից՝ հորդորելով պայթյունի ձայներ լսելու դեպքում խուճապի չմատնվել:

Լրացուցիչ տեղեկատվության համար գործում է 911 հեռախոսահամարը: