«Մոզաիկա պեպինո»․ Ի՞նչ վիրուս է սա․ «Հայաստանի Հանրապետություն»
«Հայաստանի Հանրապետություն» օրաթերթը գրում է․ «2020 թ․ դեկտեմբերի 14-ից «Ռոսսելխոզնադզոր»-ն արգելեց Հայաստանի Արմավիրի մարզից Ռուսաստան լոլիկի եւ պղպեղի ներմուծումը՝ «մոզաիկա պեպինո» վիրուսով վարակված արտադրանք հայտնաբերելուց հետո (սա էր նախնական տեղեկությունը)։ 2021 թ․ փետրվարի 5-ից Ռուսաստանը վերացրեց Հայաստանից լոլիկի եւ պղպեղի ներկրման սահմանափակումները։
Մինչ այս մեր լոլիկի հարավամերիկյան ցեց վնասատուի մասին էինք լսել, մոզաիկա պեպինոն կարծես նորություն էր։ Ի՞նչ վիրուս է սա, վիրուսն այդ կարճ ժամանակահատվածում վերացա՞վ, որ սահմանափակումը հանվեց եւ, ընդհանրապես, ի՞նչ խնդիր էր ծագել իրականում։
Այս ամենը հասկանալու համար նախ ուսումնասիրեցինք, թե ինչ կարգի վիրուս է սա, ինչ վտանգավորության՝ հաշվի առնելով, որ ՀՀ գյուղատնտեսության նախարարության սննդամթերքի անվտանգության պետական ծառայության բուսասանիտարիայի տեսչության` Հայաստանում առկա եւ ակնկալվող կարանտին վնասակար օրգանիզմների եւ թունավոր մոլախոտային բույսերի մասին 2015 թ․ ձեռնարկում պեպինոյի մասին ոչ մի տեղեկություն չկա։
Ի դեպ, ՍԱՏՄ-ից «ՀՀ»-ին տեղեկացրին, որ բույսերի որեւէ հիվանդություն կամ կարանտին օրգանիզմ մարդու առողջության համար վտանգավոր չէ, այն ունի միայն տնտեսական նշանակություն, կարող է վնասել բերքին։ Մշտադիտարկումն, ի վերջո, ի՞նչ է ցույց տվել․ այդ վիրուսը եղե՞լ է, թե՞ ոչ․․․»։
