Հետախուզական տվյալները չպետք է հասանելի լինեն Թրամփին. Բայդեն
ԱՄՆ նախագահ Ջո Բայդենն ասել է, որ իր նախորդ Դոնալդ Թրամփը չպետք է հնարավորություն ունենա ստանալու ամերիկյան հետախուզական գաղտնի զեկուցումներ
Ի պատասխան CBS հաղորդավարի հարցին Բայդենը նշել է, որ իր կարծիքով Թրամփը չպետք է ստանա գաղտնի տեղեկությամբ բրիֆինգները անկայուն բնավորության պատճառով:
«Դա ոչ մի կապ չունի Կապիտոլիումի վերջին հարձակման հետ»,– ասել է Բայդենը:
Նա չի պատասխանել այն հարցին, թե ինչ կլիներ, եթե Թրամփը ստանար գաղտնի տեղեկատվությունը:
«Ես նախընտրում եմ չշահարկել այս թեման»,- ասաց Բայդենը:
Նա նշել է, որ վախենում է, որ Թրամփը կարող է պատահաբար գաղտնազերծել տեղեկատվությունը:
ԱՄՆ նախկին նախագահները սովորաբար ստանում են հետախուզական տեղեկատվություն նույնիսկ պաշտոնը լքելուց հետո: Նրանք նաև իրավունք ունեն հատուկ ծառայություններից պահանջել գաղտնի տեղեկատվություն:
Դոնալդ Թրամփի հարաբերությունները ԱՄՆ հետախուզական հաստատությունների հետ սրված են, քանի որ նա բազմիցս քննադատել է ամերիկյան հետախուզական ծառայությունների ներկայացուցիչներին:
Ըստ Թրամփի նախկին աշխատակիցների, ի տարբերություն Բարաք Օբամայի և Ջորջ Բուշի, որոնք երկար հանդիպումներ են անցկացրել հետախուզության ոլորտի պաշտոնյաների հետ, Թրամփի մասնակցության ճեպազրույցների հաճախականությունը շատ ավելի փոքր էր և շատ ավելի կարճ ժամանակի տեսանկյունից:
