Արդյոք շնորհակա՞լ ենք

Հայ Եկեղեցին նշում է Սուրբ Ոսկյանց քահանաների հիշատակության օրը, ովքեր Հռոմի կայսեր կողմից հայոց Սանատրուկ թագավորի մոտ ուղարկված հինգ դեսպաններ էին: Նրանք, գալով Հայաստան, հանդիպեցին Սուրբ Թադեոս առաքյալին և նրա քարոզներից ազդված՝ դարձան քրիստոնյա՝ մկրտվելով:

Առաքյալի մահից հետո Ոսկյանց քահանաները մեկուսացան հայոց Ծաղկոտն գավառի Ծաղկավետ կոչված լեռներում և ճգնակենցաղ կյանքով ապրեցին շուրջ 40 տարի: Ապա Ոսկյանք եկան հայոց արքունիք` քրիստոնեություն քարոզելու հայոց Արտաշես թագավորին ու Սաթենիկ թագուհուն, որտեղ և սրախողխող արվեցին՝ վրեժխնդրության ենթարկվելով: Քահանաները, ում հիշատակը նշվում է այսօր, Հայ եկեղեցու առաջին նահատակներից են և ճգնավորներից:

Քահանայությունն առհասարակ չի սահմանափակվում միայն եկեղեցական ծառայությամբ ու արարողակարգերով:Քահանան Տիրոջ խորհուրդների սպասավորն է, նա Սուրբ ավազանի մկրտությամբ մարդկանց որդեգրում է Հայր Աստծուն և Քրիստոսի ժառանգակիցներ դարձնում: Քահանայի բարձրագույն տիպարը Քրիստոսն է` «հավիտենական քահանայապետը» (Եբր. 5:10): Քահանայական ծառայության կարևոր պայմանը հոտին երկնքի արքայության առաջնորդելն է և հոգեխանամ առաքելությունը:

Քահանա լինելը նախ ենթադրում է չընդհատվող շփում ժողովրդի հետ: Քահանա հայրերն են մեզ տալիս այն հարցերի պատասխանները, որոնք առաջանում են մեր մտքերում ու սրտերում՝ Քրիստոսի խոսքն ուսումնասիրելիս: Նրանք հոգիների բժիշկներն են՝ Աստծուց առաջնորդվող:

Ի հարգանս Սուրբ Ոսկյանց քահանաների գրվել է Մանկունք շարական, որտեղ խտացված կերպով ձևով ներկայացված է նրանց պատմությունը:

Դուք արժանացաք Թադեոս Առաքյալի

աշակերտները կոչվելու

և աստվածային մաքրող կրակով փորձվեցիք

և ձեր ոսկի լինելը հրեշտակների

բնակարաններում հաստատվեց

Ով երանելի Սուրբ Ոսկյաններ,

Բարեխոսեցեք Տիրոջը՝ մաքրի մեզ մեր մեղքերից

Դուք անհրաժեշտ դավանությամբ

Քրիստոս քարոզեցիք թագուհու պալատում,

Քաջ նահատակներին Եփրատի ծաղկազարդ, վայելուչ

ակունքներում մկրտելով,