ՀՀ ՊՆ-ն հերքում է Ներքին Խնձորեսկում ադրբեջանցիների հայտնվելու մասին լուրը
Հայաստանի Զինված ուժերի Գլխավոր շտաբը հերքել է Facebook-ի հայկական հատվածում տարածված տեղեկությունն այն մասին, որ ադրբեջանցի զինվորականներ են նկատվել հայկական Ներքին Խնձորեսկ գյուղում:
NEWS.am-ի հարցմանն ի պատասխան՝ ԳՇ տեղեկատվության վարչության պետ Սամվել Ասատրյանը հայտնել է, որ նման տեղեկատվությունը չի համապատասխանում իրականությանը:
Նշենք, որ Facebook-ի հայկական հատվածում հայտնվել է տեղեկատվություն այն մասին, որ ադրբեջանական զորքերը մտել են Ներքին Խնձորեսկ գյուղ եւ պահանջում են ազատել այն:
