Ադրբեջանցի զինվորները ականազերծման դասընթաց են անցել Թուրքիայում
Թուրքիայի պաշտպանության նախարարությունը հայտարարել է, որ Ադրբեջանի բանակի զինվորներն ավարտել են ականազերծման հատուկ դասընթացը։ Այս մասին տեղեկացնում է ermenihaber.am-ը։
Ինչպես տեղեկացնում է Թուրքիայի ՊՆ թվիթերյան պաշտոնական էջը, Ադրբեջանի բանակի 23 զինվոր Իզմիրում երկուշաբաթյա ականազերծման դասընթաց է անցել:
Այդ ուժերը Ադրբեջանի վերահսկողության տակ անցած Արցախի տարածքներում սկսելու են ականազերծման և ինքնաշեն պայթուցիկ սարքերի ոչնչացման աշխատանքներ իրականացնել։
