![](/banners/BeFunky-design.jpg)
Ջեկոյի և Ֆոնսեկայի կոնֆլիկտը հարթվել է
![](https://168.am/wp-content/uploads/2021/02/Fonseca.Dzeko_.Roma_.2020.21.750x450.jpg)
«Ռոմայի» հարձակվող Էդին Ջեկոն վերադարձել է մարզմանը թիմի ընդհանուր խմբում: Բոսնիացին մի քանի շաբաթ անհատական էր մարզվում՝ գլխավոր մարզիչ Պաուլո Ֆոնսեկայի հետ կոնֆլիկտի պատճառով:
Լրագրող Ջանլուկա Դի Մարցիոյի կայքի համաձայն՝ իրավիճակը հարթվել է: Այնուամենայնիվ, պորտուգալացի մասնագետը մտադիր չէ ավագի թևկապը վերադարձնել 34-ամյա խաղացողին:
Հիշեցնենք, որ հռոմեական թիմի ավագն ու մարզիչը կոնֆլիկտ էին ունեցել Իտալիայի գավաթից դուրս մնալուց հետո։ Իտալական մամուլը գրում էր, որ մարզչական շտաբի որոշ անդամներ և թիմի առաջատար ֆուտբոլիստներից մի քանիսը՝ այդ թվում Հենրիխ Մխիթարյանը, աջակցել էին Ջեկոյին։
Սիրարփի Աղաբաբյան