Փաշինյանի որոշմամբ՝ պարգևատրվել են պետական և տարածքային կառավարման մարմինների գլխավոր քարտուղարները
Նիկոլ Փաշինյանը փետրվարի 2-ին պարգեւատրումների մասին որոշում է ստորագրել: Որոշման մեջ ասվում է․ «Ղեկավարվելով «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» Հայաստանի Հանրապետության օրենքի 22-րդ հոդվածի 5-րդ, 6-րդ և 7-րդ մասերով, հիմք ընդունելով պետական կառավարման համակարգի և տարածքային կառավարման մարմինների գլխավոր քարտուղարների 2020 թվականի երկրորդ կիսամյակի կատարողականի գնահատման և հաշվետվությունների դրական արդյունքները՝
Պետական կառավարման համակարգի և տարածքային կառավարման մարմինների գլխավոր քարտուղարներին պարգևատրել 2020 թվականի երկրորդ կիսամյակի կատարողականի և հաշվետվությունների արդյունքների հիման վրա՝ Հայաստանի Հանրապետության կառավարության 2020 թվականի դեկտեմբերի 30-ի N 2215-Ն որոշմամբ հաստատված համապատասխան մարմնի պահպանման ծախսերի «Քաղաքացիական, դատական և պետական այլ ծառայողների պարգևատրում» հոդվածով՝ համաձայն հավելվածի»:
