«ԱԺ-ն ինքնալուծարելու օրենսդրական նախաձեռնությունը մեծ բլեֆ է». Թագուհի Թովմասյան
ԱԺ պատգամավոր Թագուհի Թովմասյանն այսօր խորհրդարանում լրագրողների հետ զրույցում անդրադարձավ օրերս ԱԺ-ն ինքնալուծարելու վերաբերյալ «Իմ քայլում» տեղի ունեցած քննարկմանը։
Հիշեցնենք, որ իշխանական պատգամավոր Վահագն Հովակիմյանն առաջարկել էր ԱԺ-ն ինքնալուծարելու միջոցով գնալ արտահերթ ընտրությունների, այդ դեպքում Նիկոլ Փաշինյանը շարունակելու է պաշտոնավարել։
«Ես դեռևս այս խոսակցությունների առաջին օրը հայտարարեցի, որ այդ օրենսդրական նախաձեռնության մասին խոսելը մեծ բլեֆ է, և չեմ տեսնում, որ այս օրենսդրական նախաձեռնությունը կյանքի կկոչվի: Նաև խիստ դատապարտում եմ այդ մտածողությունը, որ խորհրդարանական երկրում մենք կարողանում ենք պատկերացնել, որ խորհրդարանը պիտի դառնա ամենախոցելի կառույցը, որ ով երբ ուզի՝ խոսի խորհրդարանի ինքնալուծարման մասին»,- ասաց Թագուհի Թովմասյանը։
