«Ավելի լավ կլիներ, եթե նա «Ատլետիկոյի» փոխարեն՝ տեղափոխվեր «Յուվե»»․ Կուման
«Բարսելոնայի» գլխավոր մարզիչ Ռոնալդ Կումանը կիսել է կարծիքը հարձակվող Լուիս Սուարեսի՝ սեպտեմբերին կատալոնական ակումբից «Ատլետիկո» տեղափոխվելու վերաբերյալ:
«Դա աշխատանքի մի մասն է: Երբ ես ստանձնեցի «Բարսելոնայի» ղեկը, մենք ունեինք մեր սեփական կարծիքը, այնուհետև որոշում կայացրեցինք:
Նման որոշումներ պետք է կայացվեն: Եթե ամեն ինչ լավ է ընթանում, հիանալի է, բայց եթե չի ստացվում, ուրեմն սա պետք է լինի իմ ուղին, և սա ամենակարևորն է:
Իհարկե, ավելի լավ կլիներ, եթե Լուիս Սուարեսն «Ատլետիկոյի» փոխարեն ստորագրեր պայմանագիր «Յուվենթուսի» հետ, քանի որ այժմ նա դեռ խաղում է Լա Լիգայում: Բայց մենք ստիպված էինք նման որոշում կայացնել, իրոք, դժվար, բայց հարգանք ցուցաբերելով խաղացողի նկատմամբ: Կարծում եմ՝ սա իսկապես կարևոր է:
Եվ ես դեռ պաշտպանում եմ մեր նախկին որոշումները»,- ասել է Կումանը:
Սիրարփի Աղաբաբյան
