Պարգև սրբազանը բուժման նպատակով արտերկիր կմեկնի վաղը կամ այսօր երեկոյան. Ղազանչեցոց եկեղեցու քահանա
Նոյեմբերի 16-ին հայտնի էր դարձել, որ Արցախի թեմի առաջնորդ Պարգև արքեպիսկոպոս Մարտիրոսյանը սրտի կաթված է ստացել և բուժում ստանալու նպատակով պատարաստվում է մեկնել արտերկիր։
168.am-ի հետ զրույցում Շուշիի սուրբ Ղազանչեցոց եկեղեցու քահանա տեր Անդրեաս Թավադյանն ասաց, որ Պարգև սրբազանը դեռևս արտերկիր չի մեկնել։
«Պարգև սրբազանը դեռ Հայաստանում է, չի մեկնել բուժման, կարծեմ՝ վաղը կամ այսօր երեկոյան պետք է մեկնի։ Նրա թռիչքը հետաձգվել է, պետք է գնա, որովհետև արտերկրում սպասում են բժշկական գործողություններ կատարելու համար»,- նշեց քահանան։
