Հրդեհ Արմավիր-Երևան ավտոճանապարհին
Նոյեմբերի 20-ին, ժամը 03։57-ին Արմավիրի մարզային ճգնաժամային կառավարման կենտրոն ահազանգ է ստացվել, որ Արմավիր քաղաքի դատարկ տարաների վերամշակման արտադրամասի մոտակայքում այրվում է ավտոմեքենա:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ հրդեհը բռնկվել է Արմավիր-Երևան ավտոճանապարհի 1-ին կմ-ին կայանած «ԶԻԼ» մակնիշի բեռնատարում (քարով բեռնված)։
Հրդեհը մեկուսացվել է ժամը 04:12-ին, մարվել՝ 04:26-ին: Այրվել են բեռնատարի խցիկը և շարժիչի հատվածը՝ մասամբ:
