Իջևան-Նոյեմբերյան ավտոճանապարհին ավտոմեքենան բախվել է ծառին, որն ընկել և երկկողմանի փակել է ճանապարհը
Նոյեմբերի 19-ին, ժամը 22:39-ին Տավուշի մարզային ճգնաժամային կառավարման կենտրոն ահազանգ է ստացվել, որ Իջևան-Նոյեմբերյան ավտոճանապարհին տեղի է ունեցել ՃՏՊ․ ավտոմեքենան բախվել է ծառին, որն ընկել և երկկողմանի փակել է ճանապարհը։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Իջևան-Նոյեմբերյան ավտոճանապարհի մոտ 12-րդ կմ-ին, «Mercedes C» մակնիշի ավտոմեքենան (վարորդի ինքնությունը պարզել չի հաջողվել) դուրս է եկել ճանապարհի երթևեկելի հատվածից և բախվել ծառին․ վերջինս ընկել և փակել է ճանապարհը:
Փրկարարները մասնատել են վնասված ծառը (մոտ 20 մ) և հեռացրել ավտոճանապարհի երթևեկելի հատվածից:
