Ֆրանսիայում դանակով դեռահասի վրա են հարձակվել դպրոցի մերձակայքում. ԶԼՄ-ներ
14-ամյա դեռահասը դանակով հասցված մի քանի վերքեր է ստացել Ֆրանսիայի դպրոցներից մեկի մերձակայքում: Այդ մասին հաղորդել է ՌԻԱ Նովոստին՝ վկայակոչելով տեղական ԶԼՄ-ներին:
Նշվում է, որ միջադեպը տեղի է ունեցել երկրի արեւմուտքում, Ավրիլլա կոմունայի Մեն եւ Լուարա դեպարտամենտում:
Հեռուստաալիքի տեղեկատվության համաձայն, ներկայում դեռահասը տեղափոփվել է վերակենդանացման բաժանմունք: Հարձակման պատճառն առայժմ հայտնի չէ:
ԶԼՄ-ների տվյալներով, երեք մարդ, որոնք կարող են մասնակից լինել միջադեպին, փախուստի են դիմել:
Ավելի վաղ Ռադիո Sputnik-ը հաղորդել էր, որ Ֆրանսիայում ազատ են արձակել մի դեռահասի, որը ձերբակալվել էր ահաբեկչության գործով:
