Պուտինը կարգադրել է բանակը ներգրավել Սիբիրում անտառային հրդեհների մարմանը
Ռուսաստանի նախագահ Վլադիմիր Պուտինը կարգադրել է Սիբիրում եւ Հեռավոր Արեւելքում անտառային հրդեհների մարմանը ներգրավել պաշտպանության նախարարությանը: Այդ մասին լրագրողներին հայտնել են Կրեմլի մամուլի ծառայությունում:
«Քննարկելով արտակարգ իրավիճակների նախարարի զեկույցը՝ ՌԴ նախագահ Վլադիմիր Պուտինը պաշտպանության նախարարությանը ցուցում է տվել ներգրավվել Սիբիրի եւ Հեռավոր Արեւելքի տարածքներում մոլեգնող հրդեհների մարմանը»,-ասել են մամուլի ծառայությունում: Այնտեղ հավելել են, որ նախագահը նաեւ կարգադրել է մինչեւ հատուկ կարգադրությունը պահպանել զինված ուժերի խմբավորումն Իրկուտսկի մարզում, հաղորդել է ՏԱՍՍ-ը:
