Մխիթարյանն «Արսենալ»-ի հետ մեկնել է Ֆրանսիա
Լոնդոնի «Արսենալ»-ը ընկերական խաղ անցկացնելու նպատակով մեկնել է Ֆրանսիա:
«Զինագործները» ընկերական խաղում ուժերը կչափեն «Անժե»-ի հետ: Այդ խաղի համար թիմի հետ Ֆրանսիա են մեկնել 20 ֆուտբոլիստներ` այդ թվում նաև Հայաստանի ազգային թիմի կիսապաշտպան Հենրիխ Մխիթարյանը: Հանդիպումը կկայանա հուլիսի 31-ին:
Անգլիայի առաջնության` Պրեմիեր լիգայի նոր մրցաշրջանի առաջին խաղում` օգոստոսի 11-ին, «Արսենալ»-ն արտագնա խաղում կմրցի «Նյուքասլ»-ի հետ:
