Շուրջ 250 հեկտար անտառ է այրվել Ֆրանսիայի հարավում
Շուրջ 250 հեկտար անտառ է այրվել եւ առնվազն 170 մարդ է տարահանվել այն սաստիկ հրդեհի հետեւանքով, որը հուլիսի 30-ին սկսվել է Ֆրանսիայի Գարի հարավային դեպարտամենտում: Այդ մասին հայտնել է Provence թերթը:
Անցյալ շաբաթ Ֆրանսիայի քաղաքներում ջերմաչափերի սյուները բարձրացել են մինչեւ անսովոր ցուցանիշներ. հուլիսի 25-ին բացարձակ ջերմաստիճանային ռեկորդներ են սահմանվել 50-ից ավելի քաղաքներում: Անոմալ շոգի ալիքից անմիջապես հետո վրա են հասել սաստիկ երաշտը եւ անտառային հրդեհների մեծ հավանականությունը:
Ինչպես նշվում է, հրդեհն սկսվել է Ժեներակ կոմունայում կեսօրից հետո: Տեղում աշխատում են 300 հրշեջներ, 90 փոխադրամիջոց եւ յոթ հրշեջ ինքնաթիռ, հաղորդել է ՌԻԱ Նովոստին:
