«Ես անհանգստացած եմ «Ռեալում» վնասվածքների քանակից». Զիդան
Մադրիդի «Ռեալի» գլխավոր մարզիչ Զինեդին Զիդանը մտահոգություն է հայտնել թիմի խաղացողների վնասվածքների կապակցությամբ:
ԱՄՆ-ում նախապատրաստական հանդիպման ժամանակ վնասվածքներ են ստացել պաշտպան Ֆերլան Մենդին, կիսապաշտպաններ Բրաիմ Դիասը և Մարկո Ասենսիոն: Վերջինս շարքից դուրս է եկել երկար ժամանակով:
«Սա ինձ դուր չի գալիս: Սկզբում՝ Մարկոն, հետո՝ Ֆերլան.. Թեկուզ նրա մոտ փոքր վնասվածք է, բայց մենք չգիտենք, թե որքան ժամանակով է նա շարքից դուրս մնացել: Նման բաներ լինում են, տեսնենք՝ որքան ժամանակում նա կվերականգնվի:
Մենք շարունակում ենք նախապատրաստվել մրցաշրջանի համար նրանց հետ, ովքեր վերադառնում են Մադրիդ:
Ես չեմ մտածում, թե ով կփոխարինի Մարկոյին: Մենք բոլորս ցնցված ենք նրա վնասվածքից»,- ասել է Զիդանը:
Սիրարփի Աղաբաբյան
