Սուլշերը Վուդվորդին խնդրել է՝ հնարավորինս արագ ստորագրել Մագուայերին
«Մանչեսթեր Յունայթեդի» գլխավոր մարզիչ Օլե-Գունար Սուլշերը կոչ է արել ակումբի ղեկավարությանն արագացնել «Լեսթերի» պաշտպան Հարի Մագուայերի տրանսֆերի ձևակերպումը:
Ըստ Sky Sports-ի տվյալների՝ այս խնդրանքով նորվեգացի մասնագետը դիմել է մանկունյանցիների փոխնախագահ Էդ Վուդվորդին: Վերջինս տվյալ պահին գտնվում է Անգլիայում և աշխատում է ակումբի տրանսֆերների վրա, հանուն ինչի նա բաց թողեց ակումբի մինչմրցաշրջանային շրջագայությունը:
Ավելի վաղ հաղորդվել էր, որ «Լեսթերերը» մերժել է «Մանչեսթեր Յունայթեդի» 70 մլն եվրո արժողությամբ առաջարկը՝ ակնկալելով ֆուտբոլիստի համար ստանալ 80 մլն եվրո: Ֆուտբոլիստին հետևում է նաև «Մանչեսթեր Սիթին»:
Պատրաստեց Անի Գաբուզյանը
