«Զարմացած չեմ «Բարսելոնայի» խաղացողների մակարդակով, ես երկար ժամանակ է՝ հետևում եմ նրանց՝ որպես երկրպագու». Գրիզման
«Բարսելոնայի» հարձակվող Անտուան Գրիզմանը կիսվել է ակումբում իր հեռանկարների մասին կարծիքով:
«Ինձ համար կարևոր չէ՝ որ դիրքում եմ խաղում, երբ դաշտում եմ: Ես ձգտում եմ ավելի շատ խաղալ և շարունակել սովորել թիմակիցներիս հետ: Ես պետք է շարունակեմ սովորել և հարմարվել թիմի խաղին:
Մենք ոչ շատ համատեղ մարզումներ ենք ունեցել և ընդամենը մեկ խաղ: Ես զարմացած չեմ խաղացողների մակարդակով, որովհետև ես վաղուց հետևում եմ «Բարսելոնայի» հանդիպումներին՝ որպես երկրպագու: Ես գիտեմ տղաների բոլոր շարժումները: Այնուամենայնիվ, ես պետք է հարմարվեմ:
Ես կցանկանայի անընդհատ խաղալ և չնստել պահեստայինների նստարանին: Ես փորձում եմ առաջադիմել, աշխատել և սովորել»,- Գրիզմանին է մեջբերում Marca-ն:
Պատրաստեց Անի Գաբուզյանը
