«Իրանն անմիջականորեն սպառնում է Արևմտյան կիսագնդի երկրների անվտանգությանը». Բոլթոն
Իրանը եւ լիբանանյան շիաների «Հըզբոլլահ» կազմակերպությունն օգնություն են ցույց տալիս Վենեսուելայի ղեկավար Նիկոլաս Մադուրոյին եւ անմիջականորեն սպառնում են Արեւմտյան կիսագնդի երկրների անվտանգությանը: Հուլիսի 21-ին համապատասխան հաղորդագրությունը Twitter-ում զետեղել է ազգային անվտանգության գծով ԱՄՆ-ի նախագահի օգնական Ջոն Բոլթոնը:
Նա պնդում է, որ Իրանը եւ «Հըզբոլլահն» օժանդակում են Բոլիվարյան Հանրապետությունում Մադուրոյի կողմից իրականացվող «անմեղ վենեսուելացիների ռեպրեսիաներին, խոշտանգումներնին եւ սպանություններին, ինչպես նաեւ անմիջականորեն սպառնում են տարածաշջանի անվտանգությանը»:
«Մենք կշարունակենք մերկացնել Մադուրոյի զինակիցներին եւ Արեւմտյան կիսագնդում իր գործունեության իրականացման՝ Իրանի ջանքերը»,- եզրափակել է Բոլթոնը, հաղորդել էՏԱՍՍ-ը:
