«ԱԺ փոխնախագահը գրել է՝ գնացեք-գցվեք մոստից. ինձ հետաքրքրում է՝ ԱԺ-ն ունի՞ էթիկայի հանձնաժողով, թե՞ չունի». Լիկա Թումանյան
Փորձագետները, քաղաքագետներն ու քաղաքական գործիչներն այսօր «Բռնության և ատելության խոսքը» թեմայով կլոր սեղան-քննարկման ժամանակ անդրադարձան սոցիալական ցանցերում և լրատվամիջոցներում առկա ատելության խոսքին, բռնության կոչերին: Քննարկմանը ներկա էր նաև «Ադեկվադ» կուսակցության նախաձեռնող խմբի անդամ Լիկա Թումանյանը:
Ըստ նրա՝ եթե գործող օրենսդրությունն ու կանոնակարգող ակտերը կիրարկվեն, մասամբ կվերահսկվի ատելության ու բռնության քարոզը.
«ԱԺ փոխնախագահը գրել է՝ գնացեք-գցվեք մոստից, ինձ հետաքրքրում է՝ ԱԺ-ն ունի՞ էթիկայի հանձնաժողով, թե՞ չունի: Երբ ավագանու անդամն ասում է՝ սրա ականջները պետք է կտրել դնել բուռը, ո՞ւր է մեր գործող էթիկայի հանձնաժողովը, գործող օրենսդրությունը, գործող նորմատիվ ակտերը, դրանք չեն կիրառվում այսօրվա դրությամբ:
Ես կարծում եմ՝ եթե մեր ունեցած հնարավորությունների չափով մենք կարողանանք դրանք կիրառել, կարող է տալ ինչ-որ արդյունք»:
Մանրամասները՝ տեսանյութում
Զարուհի Դիլանյան
