Իսհակյանում կովերը սատկում են՝ պատճառն անհայտ է
Tsayg.am. Հուլիսի սկզբից տարածված հիվանդության արդյունքում արդեն 10 խոշոր եղջերավոր անասունի անկում է գրանցվել: Ամենամեծ վնասը Մելիքյաններն են կրել: Այժմ փոխհատուցման են սպասում:
Վարակվելուց հետո ժամեր անց անասունների անկում է գրանցվում: Մելիքյանների անասնագոմում արդեն 6 խոշոր եղջերավոր անասուն է սատկել:
Նմուշառում արդեն կատարվել է, բայց դեռ հայտնի չէ հիվանդության տեսակը, առաջացման պատճառը: Հստակ է, որ հիավանդությամբ վարակվում են միայն խոշոր եղջերավոր անասունները:
Կենդանիների անկման դեպքեր արձանագրվել էին նաև Սևանա լճի հարակից գյուղերում:
