«Մանչեսթեր Յունայթեդը» պահանջում է Պոգբայի համար 200 մլն եվրո
Մադրիդի «Ռեալը», ամենայն հավանականությամբ, չի կարող իրեն թույլ տալ ստորագրել կիսապաշտպան Պոլ Պոգբային ամառային տրանսֆերային պատուհանի ժամանակ:
«Մանչեսթեր Յունայթեդը» պահանջում է 200 միլիոն եվրո՝ 26-ամյա կիսապաշտպանի համար, և դա շատ ավելին է, քան այն, ինչ մադրիդյան թիմը պատրաստ էր առաջարկել:
«Մանչեսթեր Յունայթեդի» ղեկավարությունը հստակեցրել է, որ նախատեսում է ֆրանսիացուն պահել ամեն գնով: Մանկունյան ակումբը Պոգբային տեսնում է՝ որպես ապագայում թիմի կարևորագույն խաղացողներից մեկը:
Պոգբան ներկայումս գտնվում է թիմի հետ և մասնակցում է Ավստրալիայում անցկացվող մարզական հավաքին: Ըստ ակումբին մոտ կանգնած աղբյուրների, Պոգբան անգամ չի էլ մտածում թիմը փոխելու մասին:
Օլե-Գունար Սուլշերը ցանկանում է Պոգբային դարձնել թիմի հիմնական ավագը:
Սիրարփի Աղաբաբյան
