«Պարզապես ծիծաղելի է». ԱԳՆ-ն հերքում է Մնացականյան-Լավրով հանդիպման ժամանակ Քոչարյանի գործի հետ կապված նախապայմաններ առաջ քաշելու լուրը. «Փաստինֆո»
ՀՀ Արտաքին գործերի նախարարության խոսնակ Աննա Նաղդալյանը հերքում է մամուլում տարածված լուրերը, թե Մոսկվան պայման է առաջ քաշել Հայաստանի առաջ՝ մինչեւ հոկտեմբեր Ռոբերտ Քոչարյանին ազատելու վերաբերյալ։
Նշենք, որ նման տեղեկատվություն տարածվել էր մամուլի կողմից, ըստ որի՝ ՌԴ արտգործնախարար Սերգեյ Լավրովը ՀՀ արտգործնախարար Զոհրաբ Մնացականյանին է փոխանցել ՌԴ նախագահ Վլադիմիր Պուտինի այն դիրքորոշումը, ըստ որի՝ եթե նրա հոկտեմբերին նախատեսված այցի ժամանակ Ռոբերտ Քոչարյանը չլինի ազատության մեջ, ապա գազի գնի շուրջ բանակցություններն անիմաստ և անարդյունք են լինելու:
«Փաստինֆո»-ի հետ զրույցում Նաղդալյանը վստահեցրեց, որ նման քննարկում չի եղել և ավելացրեց. «կասկածելի աղբյուրների հիման վրա արվող ենթադրությունները, պարզապես, ծիծաղելի են»:
