Նեպալում հեղեղումների ու սողանքների հետևանքով զոհվել է 32 մարդ
Նեպալում շարունակվող հորդառատ անձրևների հետևանքով առաջացած սողանքներն ու հեղեղումները խլել են 32 մարդու կյանք: Եվս 12-ը վիրավորվել են, իսկ 17-ն՝ անհետ կորել: Այս մասին հայտնում է «Սինխուա» գործակալությունը:
Ներքին գործերի նախարարությունը կոչ է արել գետերին մոտ բնակվող անձանց տեղափոխվել անվտանգ գոտիներ, քանի որ անձրևները կշարունակվեն մինչև հուլիսի 14-ը:
Բնական աղետի հետևանքով տուժել է Նեպալի 21 շրջան: Իշխանությունները տարհանել են 831 մարդու:
