«Բարսելոնայի» աշխատակիցները չեն վարձատրվել՝ կապված Գրիզմանի տրանսֆերի ուշացման հետ
«Բարսելոնան» դեռ չի կարողանում ավարտել «Ատլետիկոյի» հարձակվող Անտուան Գրիզմանի տեղափոխությունը:
Կատալոնական ակումբը հուլիսի 10-ին ծրագրում էր վճարել 120 մլն եվրո` ֆրանսիացու՝ պայմանագրով նախատեսված հրաժարագինը, ուրբաթ օրը խաղացողին ներկայացնել Camp Nou մարզադաշտում և երկուշաբթի օրվանից սկսել մարզումները:
Կատալոնական ակումբը, սակայն, ունի խնդիրներ:Կատալոնացիները չեն կարողացել պայմանավորվել այն բանկերի հետ, ովքեր պետք է ապահովեին տրանսֆերի գումարի փոխանցումը:
Կատալոնական ակումբի ղեկավարության՝ տրանսֆերի գումարը մաս-մաս փոխանցելու առաջարկը մերժվել է մադրիդյան ակումբի կողմից:
Նշվում է, որ կատալոնական ակումբի աշխատակիցները 3 օր ուշ են ստացել իրենց աշխատավարձերը, քանի որ թիմի ղեկավարությունը չի կարողացել պայմանավորվածություն ձեռք բերել բանկերի հետ:
Սիրարփի Աղաբաբյան
