Եռացատկորդ Լևոն Աղասյանը 10-րդն է Համաշխարհային ուսանողական խաղերում
Ատլետիկայի Հայաստանի հավաքականի անդամ Լևոն Աղասյանը 10-րդն է Համաշխարհային ուսանողական խաղերում:
Իտալական Նապոլի քաղաքում շարունակվող Ունիվերսիադայի եռացատկի եզրափակիչում Աղասյանը գրանցել է 15.73 մետր արդյունք: Նա 10-րդն է:
Միայն օրեր առաջ կապանցի մարզիկը Հայաստանի առաջնությունում սահմանեց անձնական ռեկորդ` ցատկելով 17.08 մետր: Հաջորդիվ Աղասյանը հոկտեմբեր ամսին կմասնակցի աշխարհի առաջնությանը:
Եռացատկում Համաշխարհային ուսանողական խաղերի հաղթող դարձավ Ադրբեջանից Նազիմ Բաբաևը, ով ցատկեց 16.89 մետր:
