Հունաստանի նախագահը Միցոտակիսին կառավարություն կազմելու մանդատ տվեց
Հունաստանի նախագահ Պրոկոպիս Պավլոպուլոսը խորհրդարանական ընտրություններում հաղթած «Նոր դեմոկրատիա» աջ կենտրոնամետ կուսակցության առաջնորդ Կիրիակոս Միցոտակիսին կառավորություն կազմելու մանդատ է տվել: Այդ մասին ասված է պետության ղեկավարի վարչակազմի՝ հուլիսի 8-ին տարածված հաղորդագրության մեջ:
«Հունաստանի նախագահ Պրոկոպիս Պավլոպուլոսը… հեռախոսով կապվել է «Նոր դեմոկրատիայի» նախագահ Կիրիակոս Միցոտակիսի հետ եւ նրան հանձնարարել կառավարություն կազմել՝ Սահմանադրության 37-րդ հոդվածին (պարագրաֆ 2) համապատասխան:
Ինչպես արդեն հայտարարվել է, վարչապետի պաշտոնի համար Միցոտակիսի երդմնատվության արարողությունը կկայանա հուլիսի 8-ին»,- նշված է հաղորդագրության մեջ, հաղորդել է ՏԱՍՍ-ը:
