Մակրոնի այցը Սերբիա կկայանա հուլիսի 15-ին. Blic
Ֆրանսիայի նախագահ Էմանուել Մակրոնը Սերբիա այց կկատարի հուլիսի 15-ին: Հուլիսի 8-ին այդ մասին հաղորդել է սերբական Blic հրատարակությունը՝ վկայակոչելով սեփական աղբյուր:
Նշվում է, որ Սերբիա Մակրոնի այցի գլխավոր թեմաներ կդառնան Կոսովոյի իրադրությունը եւ Եվրամիությանը Սերբիայի անդամակցության հարցը:
Թերթի տվյալներով՝ այցի ծրագիրը ներառում է բանակցություններ Սերբիայի նախագահ Ալեքսանդր Վուչիչի հետ, պատվիրակությունների ընդլայնված հանդիպում, ինչպես նաեւ այցելություն Բելգրադի պաշտպանների հուշահամալիր եւ Կալեմեգդանում Ֆրանսիային շնորակալության հուշարձան:
Ավելի վաղ Մարոնը Սերբիա այցը հետաձգել էր Փարիզում տեղի ունեցող անկարգությունների պատճառով: Սկզբնապես պլանավորվել էր, որ Ֆրանսիայի նախագահի այցը Սերբիա կայանալու էր 2018 թվականի առաջին կեսին, այնուհետեւ այն մի քանի անգամ հետաձգվել է, հաղորդել է ՏԱՍՍ-ը:
