Կատաղած շունը մտել է բնակելի շենքերից մեկի նկուղ. ահազանգ ԱԻՆ-ում
Հուլիսի 8-ին, ժամը 01:15-ին «911» ծառայությանը տեղեկություն է հաղորդվել, որ Կոտայքի մարզի Աբովյան քաղաքի 4-րդ միկրոշրջանի շենքերից մեկի նկուղ կատաղած շուն է մտել և անհանգստացնում է շենքի բնակիչներին. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Փրկարարները բռնել են շանը և տեղափոխել անվտանգ տարածք:
