Հրշեջները մարել են Երևանի «Նոր Արաբկիր» զբոսայգում բռնկված հրդեհը
ՀՀ արտակարգ իրավիճակների նախարարության «911» ծառայությունը հունիսի 26-ին, ժամը 18:27-ին ահազանգ է ստացել, որ հրդեհ է բռնկվել Երևան քաղաքի «Նոր Արաբկիր» զբոսայգում. այրվում է խոտածածկ տարածք:
Հրդեհի բարդության «1-ԲԻՍ» կանչով դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատից չորս մարտական հաշվարկ:
Ինչպես տեղեկանում ենք ՀՀ արտակարգ իրավիճակների նախարարության պաշտոնական կայքից, հրդեհը մեկուսացվել է ժամը 20:10-ին, մարվել՝ 20:48-ին:
Նախարարությունը կտրամադրի լրացուցիչ տեղեկություն:
