Ոսկուց բացի այլ մեդալ ինձ համար ձախողում կլինի. Արթուր Ալեքսանյանը՝ Եվրոպական խաղերի մասին
Հունահռոմեական ոճի ըմբիշ, Օլիմպիական խաղերի, աշխարհի և Եվրոպայի չեմպիոն Արթուր Ալեքսանյանն ասում է՝ Մինսկում կայանալիք Եվրոպական երկրորդ խաղերում իր համար ամենակարևորը հաղթանակն է։
«Ոսկի մեդալից բացի այլ մեդալ ինձ համար ձախողում կլինի»,- ասել է անվանի ըմբիշը ՀԱՕԿ-ի հետ զրույցում։
Արթուր Ալեքսանյանն առաջին անգամ կմասնակցի Եվրոպական խաղերին, որտեղ հունահռոմեական ըմբշամարտի մրցումային օրերն են հունիսի 28-30-ը:
Առաջնությունը կկայանա հունիսի 21-30-ը Բելառուսի մայրաքաղաքում։
