Զեյնալյանի հրաժարականի պատճառն «Իմ քայլը» խմբակցության դժգոհությունը չէ. Մակունց
ԱԺ «Իմ քայլը» խմբակցությունը դժգոհություններ ունեցել է արդարդատության նախարար Արտակ Զեյնալյանի աշխատանքից և քննարկել է խմբակցության նիստում: Այս մասին այսօր ԱԺ-ում լրագրողների հետ զրույցում հայտարարեց խմբակցության ղեկավար Լիլիթ Մակունցը՝ միաժամանակ պնդելով, որ Զեյնալյանի հրաժարականի պատճառն իրենց դժգոհությունը չէ:
«Մտահոգություններ են հնչել հատկապես այն լայնածավալ անվստահության ակցիայից հետո, որ տեղի է ունեցել ՀՀ քաղաքացիների կողմից, այդ համատեքստում հնչել էին այդ մտահոգությունները»,- ասաց Մակունցը՝ հավաստելով, որ դրանք հրաժարականի կոչի չեն վերածվել:
Թե ո՞ւմ է տեսնում նախարարի հարմար թեկնածու, Մակունցը պատասխանեց. «Անկեղծ, ես չունեմ թեկնածու այդ առումով»:
