Ողբերգական վթար է տեղի ունեցել Լոռու մարզում. կա 1 զոհ, 2 վիրավոր. shamshyan.com
Փետրվարի 2-ին ողբերգական ավտովթար է տեղի ունեցել Լոռու մարզում:
Ինչպես հայտնում է shamshyan.com-ը, ժամը 19:40-ի սահմաններում Լեռնահովիտ –Տաշիր ավտոճանապարհի 1-ին կմ հատվածում բախվել են Լեռնահովիտ գյուղի բնակիչներ, 49-ամյա Սիմոն Գալստյանի վարած Opel Vectra մակնիշի 35 PQ 899 համարանիշի և 29-ամյա Ռաֆիկ Դավուդյանի վարած BMW 320 մակնիշի 35 DM 365 համարանիշի ավտոմեքենաները:
Վթարի հետևանքով Opel-ի վարորդը տեղում մահացել է, իսկ նրա ուղևորներ, համագյուղացիներ, 42-ամյա Անժելա Գալստյանն ու 6-ամյա Արտյոմ Գալստյանը մարմնական վնասվածքներով տեղափոխվել են Տաշիրի բժշկական կենտրոն:
Փրկարարները հոսանքազրկել են ավտոմեքենաները, փակել գազաբալոններն ու սահմանազատել տարածքը:
Փաստի առթիվ Ստեփանավանի քննչական բաժնում ՀՀ քր օր-ի 242 հոդվածի 2-րդ մասի հատկանիշներով հարուցվել է քրեական գործ: Քննիչի հանձնարարականով ավտոմեքենաները տեղափոխվել են ոստիկանության Տաշիրի բաժնի պահպանվող հատուկ տարածք:
Մանրամասները՝ սկզբնաղբյուր կայքում:
