«Ինտերը» բանակցություններ է վարում Անտոնիո Կոնտեի հետ
«Յուվենթուսի», «Չելսիի» և Իտալիայի հավաքականի նախկին գլխավոր մարզիչ Անտոնիո Կոնտեն կարող է վերադառնալ աշխատանքի ընթացիկ մրցաշրջանի ավարտից հետո:
Ինչպես հաղորդում է Football Italia-ն՝ հղելով Calciomercato.com-ին, մասնագետի նոր ակումբը կարող է դառնալ միլանյան «Ինտերը»: Ներաձուրիների ղեկավարությունը մտադիր է ամռանը հեռացնել թիմի ներկայիս մարզիչ Լուչանո Սպալետիին, ում չհաջողվեց հանել թիմը ՉԼ փլեյ-օֆֆ փուլ և պայքար մղել «Յուվենթուսի» հետ՝ չեմպիոնական տիտղոսի համար, և արդեն սկսել է բանակցությունները Կոնտեի հետ:
«Ինտերը» 21 տուրերից հետո գրավում է Սերիա Ա-ի մրցաշարային աղյուսակի 3-րդ տեղը՝ հետ մնալով առաջատար «Յուվենթուսից» 19 միավորով:
Պատրաստեց Անի Գաբուզյանը
