Կոկորդը կկրծեմ այն մարդու, ով Ջաբրայիլից մի թիզ հող կզիջի․ Մարգարիտա Խաչատրյան (Մառոզ). 1in.am
«Ինձ համար ոչինչ չի փոխվել բանակում: Եթե բանակում կան ինքնասպանության դեպքեր, չենք կարող ասել, թե բարեփոխումներ են եղել բանակում: Եթե ինքնասպանություն գործողները բոլորը խեղճ ու անճարի բալեք են՝ ի՞նչն է փոխվել»,- Եռաբլուրում «Առաջին լրատվական»-ի հետ զրույցում ասաց Մարգարիտա Խաչատրյանը:
«Ինձ համար էն ա փոխվել, որ մեր ներկայիս կառավարությունը մեկը մյուսին պարգևավճար է տալիս, մեկը մեկին պրեմիաներ է տալիս, մեկը մեկին հովանավոր է կանգնում»:
Մարգարիտա Խաչատրյանն ընդգծեց. «Եթե այսօր տարածքների խնդիր լինի, եթե հանկարծ Ջաբրայիլի խնդիր լինի, ես կոկորդը կկրծեմ էն մարդու, որը Ջաբրայիլից մի թիզ հող կզիջի կամ կփորձի զիջման անուն տալ, քանի որ իմ տղան Ջաբրայիլում է զոհվել»:
