Մեքսիկայում կրկնակի թանկանում է մուտքը աշխարհի նոր հրաշալիքներից մեկը
Չիչեն Իցա հնադարյան քաղաք այցելության արժեքը, որը Մեքսիկայում մեծ ժողովրդականություն վայելող էքսկուրսիոն օբյեկտ է, 2019 թվականի փետրվարից կրկնակի կաճի: Այդ մասին հայտնել Ռուսաստանի տուրօպերատորների ասոցիացիան:
Յուկատանի նահանգի իշխանությունները որոշել են կրկնապատկել հնադարյան համալիր մուտքի վճարը. 242 պեսոյի փոխարեն զբոսաշրջիկներն ստիպված կլինեն վճարել 480 պեսո:
Մեքսիկայում մայաների այդ քաղաքը՝ ՅՈՒՆԵՍԿՕ-ի Համաշխարհային ժառանգության օբյեկտը, ժողովրդականությամբ երկրորդն է հնադարյան տեսարժան վայրերի թվում. տարեկան այն այցելում է մեկ միլիոն մարդ: Այդտեղ գտնվող էլ Կաստիլիո (Կուկուլկան) բուրգը ճանաչվել է աշխարհի նոր յոթ հրաշալիքներից մեկը:
Մուտքի տոմսի արժեքի բարձրացումն անակնկալ էր տեղական շուկայի մասնակիցների համար եւ վրդովել է Մեքսիկայի տուրիստական գործակալությունների ասոցիացիային (AMAV): Տեղական զբոսաշրջության ֆիրմաները նույնիսկ որոշել են բոյկոտել Չիչեն Իցայի տոմսերի վաճառքը, եթե Յուկատանի իշխանությունները վեց ամսով չհետաձգեն մուտքի վճարի բարձրացման ժամկետը, հաղորդել է ՌԻԱ Նովոստին:
