ԱՄՆ-ի Ներկայացուցիչների պալատն օրենք է ընդունել Սիրիայի դեմ նոր պատժամիջոցների մասին
ԱՄՆ-ի Կոնգրեսի Ներկայացուցիչների պալատը միաձայն ընդունել է օրենք Սիրիայի դեմ լրացուցիչ պատժամիջոցների վերաբերյալ, ինչի մասին վկայում են քվեարկության արդյունքները:
Օրենքը ենթադրում է, որ ԱՄՆ-ի նախագահը պետք է պատժամիջոցներ սահմանի նրանց դեմ, ովքեր ֆինանսավորում են Սիրիայի իշխանություններին, ներառյալ հետախուզական ծառայությունները եւ անվտանգության ծառայությունները, Սիրիայի Կենտրոնական բանկը, ինչպես նաեւ օբյեկտներ են կառուցում եւ նախագծում Էներգետիկայի եւ գործարարության բնագավառում՝ Սիրիայի կառավարության վերահսկողության ներքո:
Բացի դանից, պլանավորվում է պատժամիջոցներ սահմանել նրանց դեմ, ովքեր պահեստամասեր են տրամադրում «Սիրիայի ավիաուղիների» համար:
Այժմ փաստաթուղթը կներկայացվի Սենատի քննարկմանը, հաղորդել է ՌԻԱ Նովոստին:
