Մանվել Գրիգորյանին կրկին կալանավորելու համար պայքարողները ցնծում էին. «Հրապարակ»
«Հրապարակ» թերթը գրում է. «Երեկ ՀՀ վերաքննիչ քրեական դատարանի մոտ իսկական տոնախմբություն էր, ցնծություն։ Կարելի էր կարծել, թե հավաքված տղամարդիկ առնվազն արու զավակ էին ունեցել կամ տեղեկացել էին, թե Ղարաբաղը «տվել են» մեզ։
Նրանք շամպայն էին բացում, գրկախառնվում, գոռում՝, շնորհավորում միմյանց։ Բանն այն է, որ սա այն խումբն է, որը պայքարում էր Մանվել Գրիգորյանին կրկին կալանավորելու համար։
Նրանք այդ պահանջով օրեր շարունակ փողոցներում բողոքի ցույցեր էին անում եւ հասան այն բանին, որ ընդամենը մեկ ամիս առաջ ծանր հիվանդության եւ այլ հանգամանքներով առաջնորդված ու գեներալ Մանվելին գրավով ազատ արձակած դատարանը երեկ տրամագծորեն հակառակ որոշումը կայացրեց՝ կալանավորեց նրան, չնայած նոր հանգամանքներ գործում երեւան չեն եկել, եւ նրա առողջական վիճակի մեջ էլ դրական տեղաշարժեր չկան»։
Ամբողջությամբ կարող եք կարդալ թերթի այսօրվա համարում:
