Նազենի Ղարիբյանը նոր ստեղծվելիք միասնական նախարարությունում փոխնախարար կնշանակվի՞. «Հրապարակ»
«Հրապարակ» թերթը գրում է. «Իշխանական էլիտայում քննարկվում է Բրյուսովի անվան լեզվաբանահասարակագիտական համալսարանի պրոռեկտոր Գրիշա Թամրազյանին եւ մշակույթի փոխնախարար Նազենի Ղարիբյանին նոր ստեղծվելիք միասնական նախարարությունում փոխնախարարներ նշանակելու հարցը:
Գրիշա Թամրազյանը մամուլին հայտնի է դարձել բրյուսովցիների բողոք-նամակներից: Նա այդ պաշտոնում նշանակվել է նախկին իշխանությունների ժամանակ։ Ավելի վաղ, ֆիզկուլտինստիտուտ ավարտած Թամրազյանը կարճ ժամանակով Կոնսերվատորիայի պրոռեկտոր է աշխատել:
Իսկ Նազենի Ղարիբյանը փոխնախարար է նշանակվել նոր իշխանության ժամանակ։ Նա հայտնի քաղաքագետ, վաղամեռիկ Տիգրան Հայրապետյանի նախկին կինն է, եւ քանի որ կառավարության կառուցվածքային փոփոխությունների արդյունքում մշակույթի նախարարությունը միավորվելու է ԿԳՆ-ին, նա կղեկավարի մշակույթի բլոկը:
Հիշեցնենք, որ ԿԳ փոխնախարար Հովհաննես Հովհաննիսյանն ԱԺ պատգամավոր է դարձել:
Կրճատման ենթակա մյուս նախարարությունների փոխնախարարների ճակատագիրը դեռ
անհայտ է»։
Ամբողջությամբ կարող եք կարդալ թերթի այսօրվա համարում:
