Ճապոնական հյուրանոցը հեռացրել է ռոբոտ-աշխատակիցների կեսին և դրանց փոխարեն մարդիկ վարձել
Ճապոնիայի Henn na հյուրանոցների ցանցը, որը համալրված է հիմնականում ռոբոտ-աշխատակիցներով, իր անդրոիդների կեսին ուղարկել է կոնսերվացման: Այդ մասին գրել է South China Morning Post-ը:
Դրա պատճառ են դարձել հաճախակի վնասվածքները, ինչպես նաեւ մեքենաների սպասարկման եւ արդիականցման թանկությունը: Բայց գլխավոր պատճառը համարում են այն, որ ռոբոտներն ունակ չեն եղել լիարժեք հաղորդակցվելու կենվորների հետ. չեն կարողացել պատասխանել հասարակ հարցերի, իսկ օգնական ռոբոտներից մեկը հյուրի խռմփոցն ընդունել է որպես հրահանգ եւ համառորեն խնդրել է կրկնել այն:
Դրա հետեւանքով գրանցման կանգնակի առջեւ ռոբոտների փոխարեն կկանգնեն «ավանդական» մարդիկ: Նաեւ հավաքարարների, բեռնակիրների եւ սպասարկող այլ անձնակազմի թափուր տեղեր կան: Ըստ որում Henn na-ն չի պատրաստվում հրաժարվել տեխնիկական առաջընթացից եւ հյուրանոցներում աշխատող անդրոիդների նոր սերունդ է մշակում:
