Լուսնի վրա ծիլ տված պատմության մեջ առաջին բույսը չորացել է
Բամբակենու սերմը, որը Լուսնի հակառակ կողմում ծլել էր չինական Chang՚e 4 զոնդում, չորացել է: Այս մասին գրել է «Սինհուա»-ն: Գիտնականները պնդում են, որ երկարատեւ գիտափորձի հույս չունեին Lunar Micro Ecosystem փոքրաչափ կենսոլորտով:
Ծիլի կործանման գործոն են համարում լուսնային գիշերը, երբ Երկրի բնական արբանյակի մակերեւույթի ջերմաստիճանն իջնում է ըստ Ցելսիուսի մինչեւ մինուս 170 աստիճան:
Բացի բամբակենուց, Լուսին էին հասցվել հլածուկի, կարտոֆիլի եւ ձիթատու մշակաբույսերի սերմեր, սակայն դրանք չեն ծլել:
Իջեցվող ապարատը՝ Chang՚e 4 առաքելության 140-կիլոգրամանոց լուսնագնացով, հունվարի 3-ին փափուկ վայրԷջք է կատարել Հարավային բեւեռ – Էյթքեն ավազանում՝ դառնալով առաջին զոնդը, որն իջել է Լուսնի հակառակ կողմի վրա:
