«Այո, ճանաչվել է. կարելի է ասել, որ բոլոր 39-ի ինքնությունը ճանաչվել է». Մագնիտոգորսկում շենքի մուտքի փլուզման հետևանքով մահացած 39 անձանց ինքնությունը ճանաչվել է
Մագնիտոգորսկում բնակելի շենքի մուտքի փլուզման ժամանակ մահացած բոլոր 39 անձանց ինքնությունը ճանաչվել է:
Այս մասին լրագրողներին հայտնել են ՌԴ արտակարգ իրավիճակների նախարարի առաջին տեղակալ Ալեքսանդր Չուպրիյանը, հաղորդում է ՏԱՍՍ-ը:
«Այո, ճանաչվել է: Կարելի է ասել, որ բոլոր 39-ի ինքնությունը ճանաչվել է», – ասել է Չուպրիյանը:
Դեկտեմբերի 31-ի առավոտյան Մագնիտոգորսկում բնակելի շենքի մուտքերից մեկում հենածածկի փլուզում էր տեղի ունեցել:
Որոնողափրկարարական գործողությունը տեւել էր չորս օր եւ իրականացվել շուրջօրյա:
Հունվարի 3-ին Արտակարգ իրավիճակների նախարարությունը հայտարարել էր դրա ավարտի մասին:
Ողբերգությունից հետո առաջին ժամերին 18 մարդ էր փրկվել: Գործողության հետագա ընթացքում Արտակարգ իրավիճակների նախարարության աշխատակացիները փլատակները հավաքելու ժամանակ փրկել էին եւս 6 հոգու, այդ թվում` երկու երեխայի:
