«Իտալիայում պետք է ավելի շատ ջանք գործադրեն ռասիզմի դեմ պայքարելու համար». Մաուրիցիո Սարի
«Չելսիի» գլխավոր մարզիչ Մաուրիցիո Սարին մեկնաբանել է Իտալիայի առաջնության 18-րդ տուրի «Ինտեր»-«Նապոլի» (1:0) խաղի ընթացքում Կալիդու Կուլիբալիի հասցեին հնչած ռասիստական արտահայտությունները:
Հիշեցնենք, որ երկրպագուների կողմից Կուլիբալիի հասցեին հնչած ռասիստական արտահայտությունների համար «Ինտերը» պատժվել է և առաջիկա երկու հանդիպումները կանցկացնի առանց հանդիսատեսի:
«Իտալիայում որոշ խնդիրներ կան ֆուտբոլում, հատկապես՝ «Նապոլիի» համար:
Երբ ես աշխատում էի այդ ակումբում, ընդհատվել են Հռոմում «Լացիոյի» և Գենուայում «Սամպդորիայի» հետ հանդիպումները:
Ես ցավում եմ Կուլիբալիի համար, նա հրաշալի մարդ է: Իտալիայում պետք է ավելի շատ ջանք գործադրեն ռասիզմի դեմ պայքարելու համար»,- Սարիին է մեջբերում ESPN-ը:
Պատրաստեց Անը Գաբուզյանը
