«Ինձ հաստատ չեն սպասում լավ տոներ». Անրի

Մոնակոյի գլխավոր մարզիչ Թիերի Անրին խոսել է «Գենգամայից» կրած պարտության մասին (0:2):

«Երեք խաղ է՝ մենք խաղում ենք մրցակցից վատ և ավելի քիչ հաղթելու ցանկությամբ:

Նման իրավիճակում տոներին արձակուրդ գնալն այնքան էլ լավ գաղափար չէ: Ինձ հաստատ չեն սպասվում լավ տոներ:

Գրողը տանի, մենք պետք է վերադառնանք և աշխատենք»,- ասել է Անրին:

«Գանգամայից» կրած պարտությունը (0:2) 19-րդ տուրում Անրիի թիմի 10-րդ պարտությունն էր վերջին 12 խաղերում:

Սրանից առաջ նույնքան պարտություն ֆրանսիական ակումբն ուներ վերջին 73 խաղերում:

Թիերի Անրիի գլխավորությամբ հաղթանակների տոկոսը 21.4 է (14 խաղ, 3 հաղթանակ, 2 ոչ-ոքի, 9 պարտություն):

Սիրարփի Աղաբաբյան