««Մանչեսթեր Յունայթեդում» փոխվել է մարզիչը, կփոխվի նաև փիլիսոփայությունը». Նեյմար
ՊՍԺ-ի հարձակվող Նեյմարը խոսել է Չեմպիոնների լիգայի 1/8 եզրափակչի՝ «Մանչեսթեր Յունայթեդի» հետ սպասվելիք խաղի և Ժոզե Մոուրինիոյի հրաժարականի մասին:
Հիշեցնենք, որ առաջին խաղը կկայանա փետրվարի 12-ին Անգլիայում, իսկ երկրորդը՝ մարտի 6-ին Ֆրանսիայում:
«Ես լավ արձագանքեցի, երբ իմացա, որ մենք խաղալու ենք նրանց դեմ: Լինելու է երկու մեծ հանդիպում՝ երկու մեծ ակումբների միջև:
Մենք ճանաչում ենք մեր մրցակցին, մենք գիտենք, որ նրանք ունեն հաղթողի հոգեբանություն:
«Մանչեսթեր Յունայթեդում» փոխվել է մարզիչը, կփոխվի նաև փիլիսոփայությունը: Բայց մենք գիտենք, որ անկախ փոփոխություններից, նրանք ունեն որակներ և շատ բարձր մակարդակ:
Ես սիրում եմ խաղալ նման մեծ հանդիպումներում: Շատ ուրախ եմ, որ մենք նման մրցակից ունենք»,- ասել է Նեյմարը:
Սիրարփի Աղաբաբյան
